Marcelino y Emilia decidieron facer públicu'l so casu al nun llograr respuesta de la Conseyería d'Educación. Aseguren que la so fía de 13 años, diagnosticada de TEA dende va un añu, taba sufriendo acosu por parte de dellos compañeros del Institutu Ramón Areces de Grau.
La dirección del centru nun lo consideró acosu y nun activó'l protocolu.
Los padres decidieron entós pidir plaza n'otru centru, el de La Ería d'Uviéu, pero refugóse, asina que la menor de 13 años ta en casa, porque ella niégase a dir al institutu Ramón Areces.
Sos padres fueron a la Conseyería d'Educación con dellos informes, del pediatra, del psicólogu y d’Adansi. La Conseyería asegura que tanto la inspección como la comisión d'escolarización tán trabayando pa resolver el problema, anque nun concreten de qué manera.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL