Una osa y un esbardu que nun ivernen

La Fundación Osu Pardu grabó una osa y al so esbardu, d’un añu, xugando y comiendo abellotes n’El Cordal Cantábricu. Nun ivernen, y esto ye daqué que vien observándose dende va dalgunes temporaes, sobre manera n’oses con esbardos de segundu añu.

La Fundación Osu Pardu venceya la presencia d’exemplares non ivernantes cola disponibilidá de comida n’iviernu. 

Esti mes de febreru, la fundación ta siguiendo’l comportamientu de polo menos siete grupos familiares d’osos cantábricos que nun tán ivernando.