Una trentena d'estudiantes participa nel Circular Weekend de la Cátedra Coxersa

L'oxetivu ye crear proyectos rellacionaos cola economía circular

Estudiantes de la Universidá d'Uviéu de distintes titulaciones en cinco equipos lleven zarraos dende'l vienres nel Campus de Mieres, coles mires de crear proyectos rellacionaos cola economía circular.

Nel concursu Circular Weekend, entamáu pola Cátedra Coxersa, va salir un ganador o munchos, porque quiciabes dalgunes de les cinco idees que presentaron güei seyan mañana realidá.

En 48 hores, seis estudiantes de la Universidá d'Uviéu pensaron un nanorobot con una aplicación pionera nel mundu y otros atoparon una segunda vida al formigón de les escombreres. Otru de los equipos propón reutilizar les bateríes de vehículos de motor eléctricos.

Idees pa facilitar les entregues a los puntos llimpios o propuestes pa dinamizar el mundu rural poniendo cases ruinoses al serviciu d'inversores o compradores, son otres de les propuestes.

Cinco propuestes innovadores y sostenibles pa una economía circular que ye'l futuru, como ellos.