El Conceyu de Valdés dio un pasu de xigante al mercar el 50% de les nueve hectárees que tienen los xardinos de La Fonte Baixa, un reclamu turísticu qu'hasta agora tenía arrendaos por 1.500 euros al mes.
Merca la metá del que se considera unu de los xardinos botánicos más importantes d'Europa y failo por 270.000 euros procedentes de les arques municipales.
Llogra, amás, la donación del 90% de toles pieces qu'hai nel so interior. Agora trabayen pa facese col otru 50% de la propiedá, sobre la que pesen cargues, daqué qu'esperen que soceda enantes de final d'añu.
La compra total de los xardinos xube hasta'l mediu millón d'euros.
Nos últimos meses, estos xardinos, conocíos como los de Panrico, recibieron más de 20.000 visitantes.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL