Villaverde tien ente los sos oxetivos reorganizar la estructura de la Universidá

Villaverde tien ente los sos oxetivos reorganizar la estructura de la Universidá

Sánchez cree que la Universidá d'Uviéu sedrá'l centru de la tresformación d'Asturies

Asina lo treslladó dempués d’aconceyar esta mañana col conseyeru de Ciencia, Anovación y Universidá, Borja Sánchez. Foi una primer toma de contactu al más altu nivel, p’afitar les llinies de trabayu. Celebrarán xuntes mensuales.

Borja Sánchez tamién afitó los sos retos pa la institución académica. Sánchez afirmó que’l Gobiernu asturianu y la Universidá d’Uviéu tienen que dir "de la mano" pa que la institución académica tea "nel centru de la tresformación económica y social" qu’afronta Asturies.

Esta primer xunta celebróse unos díes enantes de qu’Ignacio Villaverde tome posesión del so cargu como nuevu rector de la Universidá . L’actu celebraráse’l vienres qu’entra a mediudía.​

Ignacio Villaverde tien ente los sos principales retos a curtiu plazu, aprobar el presupuestu de la Universidá d’Uviéu, que recuerda ta prorrogáu, la tresformación dixital y, sobre manera, una reorganización de la estructura alministrativa de la institución.