Vuelta al trabayu presencial

Les empreses apuesten por un sistema mistu nel que se combina'l teletrabayu cola presencialidá

Cola llegada de setiembre llega pa dalgunos la vuelta a la oficina. La meyora sanitaria ta faciendo que más empreses retomen el trabayu na oficina, optando na so mayoría por un sistema mistu nel que se combina'l teletrabayu cola presencialidá.

Na inxeniería Impulso nun triaron les oficines desque empezó la pandemia pero agora los sos 71 emplegaos por fin vuelven.

La mayor parte de les empreses grandes n'Asturies tán optando por un modelu mistu. Ye'l casu de Total, Dupont o de Seresco, que s'entamen por rotación d'equipos o flexibilidá pa los sos trabayadores pa combinar el trabayu presencial y en casa.

N'otres como DXC entá van siguir pel momentu toos en casa, pero cola idea de si nun hai sorpreses cola pandemia, volver dende xineru.

La reforma de la oficina va facese d'equí p'alantre más avezada. Ye lo que constaten na consultora Steelcase. Diendo trabayar namás delles hores va faer falta más espaciu pa xuntes presenciales o virtuales, por casu.

Según datos de la consultora el 70% de les empreses va optar por esti modelu mistu.