AI y la Plataforma pola Sanidá Pública denuncien el desmantelamientu d'Atención Primaria

Aseguren que falten profesionales y la "perpetuación" de les consultes telefóniques

Amnistía Internacional (AI) y la Plataforma pola Salú y la Sanidá Pública d’Asturies denunciaron esti miércoles el "desmantelamientu" que sufrió la rede d’Atención Primaria pola pandemia del coronavirus, y que se traduxo na falta de profesionales sanitarios, una elevada temporalidá y la "perpetuación" de les consultes telefóniques.

Asina lo señaló una de les portavoces de la plataforma asturiana, Mercedes González, enantes de presentar nel rexistru del Serviciu de Salú del Principáu (Sespa) un informe fechu por AI sobre la situación de la rede Primaria n'España.

González denunció que la crisis sanitaria del COVID-19 fizo que les consultes telefóniques "amenacen con cuasi quedase", daqué que dende l’asociación aseguraron que "nun lo van almitir".