Muertos 24 llobos en 15 meses, el 57% del máximu autorizáu n\'Asturies

Mediu Rural prorroga\'l Programa d\'Actuaciones de Control del Llobu nel Principáu

La Conseyería de Mediu Rural y Cohesión Territorial decidió prorrogar mediu añu, como máximu, el Programa d’Actuaciones de Control del Llobu nel Principáu, un plan entamáu a finales de setiembre de 2019 y nel que s’autorizaba la muerte de 42 exemplares, anque nos 15 meses de vixencia fueron 24 los animales muertos.

El marxe esistente pa completar el cupu del plan (18 llobos) ye lo que llevó al comité consultivu del plan a la prórroga del plan del llobu 2019-2020 hasta que se complete’l Diagnósticu de la Situación del Llobu n’Asturies, dende’l que se fadrá un nuevu programa d’actuaciones, según recueye esti martes el Boletín Oficial del Principáu d’Asturies.

Esti documentu fai un análisis de la situación del llobu n’Asturies, no que cinca a la so población, estudiu de la evolución del númberu d’estrozos de la especie, causes de muerte d’exemplares, el grau de conflictividá social esistente y de la disponibilidá de posibles preses silvestres.