Acabar cola discriminación de les muyeres xitanes

Alcuentru en Corvera pa visibilizar los llogros del colectivu

L’avilesina Sara Montoya alcontró por casualidá la so pasión pol boxéu. Fízolo dempués d’acompañar al ximnasiu al so hermanu pequeñu. Facese un sitiu nesi mundu supúnxo-y un doble esfuerzu por ser muyer y xitana.

Ye lo que se conoz como discriminación interseccional. Sobre cómo acabar con ella reflexonóse esta mañana nel decimotercer Alcuentru de Muyeres Xitanes d’Asturies. Una circunstancia que se repite nesti colectivu y qu’invisibiliza los sos llogros.

Una historia oculta que borra a toes eses muyeres xitanes que destacaron nes sos respectives árees y a les que reivindiquen poniéndo-yos nome y cara como forma de fuerza.