Adrián Pumares asegura que Foro ye l'únicu votu útil

El candidatu pon a Asturies per delantre de les ideoloxíes

El candidatu de Foro a la Presidencia del Principáu, Adián Pumares tuvo güei en TPA Noticies Matinal y abre una serie d'entrevistes a los candidatos al Principáu de los partíos con representación parlamentaria.

Pumares asegura que Foro ye l'únicu votu útil y pon a Asturies per delantre de les ideoloxíes. Quier falar de polítiques y non de posibles pactos. Nun mira nin a PSOE nin a PP, sobre si son un partíu de dereches.

El programa electoral nun ta ellaboráu. Pumares nun respuende si va incluyir la oficialidá del asturianu, remítese a la so posición na negociación de la reforma del Estatutu. Diz que son el partíu más claru nesti tema.
​
Pumares asegura que trabaya na so llista electoral, de la que diz va tar formada por xente de fuera de la política. Critica les intromisiones de les direcciones nacionales de PSOE y PP n'Asturies y amás, amosóse mui confiáu nunos bonos resultaos de Foro n'Asturies y, sobre manera, en Xixón.

La entrevista completa a Adrián Pumares pue vese en TPA a la Carta.