Alberto Estrada, personaxe versátil y pintorescu, de calter amable y rebosante enerxía

Ye ceramista y piragüista por pasión, más que por competición

Alberto Estrada ta tres de miles de plaques indicatives de cais de Xixón, pero tamién de parte de la rehabilitación d’edificios emblemáticos de toa Asturies. 

Nació en Xixón, en la Gota Lleche en 1959 y el destín fadría que la restaurare 44 años dempués. Alberto Estrada robla grandes creaciones y restauraciones: de so ye’l mural de la fachada de la cofradía de pescadores de L.uarca o’l del Centru Cultural Oscar Niemeyer, pero tamién el de la Dirección Xeneral d’Información del Parllamentu Européu.

De so son miles de plaques de cais de Xixón o 5.000 azulexos de la Universidá Llaboral. Too gracies a qu’un día la so afición poles piragües púnxolo nel camín d’un míticu ceramista, 'Rivero el de La Guía', del qu’acabaría heredando’l so taller.

Artista deportivu y cabezón, nada competitivu y sí mui apasionáu, llegó a colgar los sos cuadros nel Muséu Olímpicu de Barcelona y facer entrar de la so mano l’antorcha olímpica n’Asturies por mor de les olimpiaes de 1992.

A una primer piragua, tallada en madera, siguiríen-y abondos cuadros y trofeos deportivos. Alberto Estrada ye mui conocíu nel mundu del deporte como propulsor del fútbol en piragua n’Asturies, presidente de l’Asociación Amigos de Dionisio de la Huerta y impulsor de la de Quini.

Polifacéticu. Fai d’estra pa renomaes series, películes o anuncios televisivos, que se pon la montera picona del Seya o vístese como cofrade del oriciu. Lo mesmo monta nel so patiu un mercadín como rescata y tutela animales col Cepesma. 

Alberto Estrada, personaxe versátil y pintorescu, de calter amable y rebosante enerxía.​