Alu Iberia ve "imposible" producir aluminiu primario col actual estatutu

La empresa aluminera alvierte que "nun sedría abondo pa salvaguardar los empleos"

Alu Iberia (antigua Alcoa), con plantes n'Avilés y A Coruña, ve "imposible" producir aluminiu primario n'España colos costos enerxéticos que resultaríen de l'aplicación del borrador del Estatutu de los Consumidores Electrointensivos, al que presentó allegamientos.

Nun comunicáu, la empresa aluminera alvierte de que l'actual borrador "nun garantiza un preciu eléctricu que dexe producir aluminiu primario", yá que "nun sedría abondo pa salvaguardar los empleos venceyaos a les series de electrolisis de dambes plantes, 168 n'A Coruña y 155 n'Avilés.

Según cálculos de la empresa, l'aplicación del estatutu, al que presentó allegamientos, asitiaría'l preciu de la electricidá ente 46 y 49 euros por megavatiu/hora (MWh) y "nun llograría amenorgar l'ampliu diferencial esistente colos precios eléctricos que paguen los sos competidores homólogos de Francia, Alemaña y Suecia pa fabricar aluminiu primario, que ta per debaxo de los 35€/MWh".