Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 21 de mayu. 2017 20:09

Alumnos de Les Arriondes, solidarios colos refuxaos d'un campu d'Atenes

Iniciativa 'CreArte Pájaros de Barro. Transportando Esperanza'
Alumnos de Les Arriondes, solidarios colos refuxaos d'un campu d'Atenes

Participen na iniciativa 'CreArte Páxaros de Barru. Tresportando Esperanza'

Fomentar la cultura emprendedora dende un proyectu educativu al empar que solidariu, ye'l propósitu de la iniciativa 'CreArte Páxaros de Barru. Tresportando Esperanza' na que tán inmersos los alumnos y alumnes del Institutu El Sueve de Les Arriondes.

Al traviés de Valnalón Educa y de la plataforma SOS Refuxaos, los estudiantes parragueses entamen a estudiar alfarería y interactúen con otros neños y neñes d'Irak, Afganistán o Siria agospiaos nun centru d'acoyida de refuxaos d'Atenes, pal que dirá tol dineru algamao cola venta de los oxetos de cerámica.

Les pieces de cerámica yá feches decoraránse colos dibuxos de los neños refuxaos agospiaos nesti centru ateniense col que, dende Les Arriondes, tán en contactu al traviés de videoconferencia. Les illustraciones llegaes dende Grecia inspírense nos rellatos de los estudiantes parragueses.

Cuando tean remataes, toes estes creaciones cerámiques pondránse a la venta per primer vez el próximu 30 de mayu nel mercáu de Llanes. Sedrá la primer oportunidá pa facese con unos oxetos que son tou un llazu de xuntura y solidaridá ente los estudiantes de Les Arriondes y los mozos refuxaos de Siria o Irak.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL