Alumnos de Secundaria conviértense en guíes turísticos en 'Paseos per Vetusta'

Los estudiantes percuerren dellos allugamientos del llibru 'La Regenta' n'Uviéu

30 alumnos de 4º de la ESO del colexu Santa María del Naranco d'Uviéu conviértense en guíes turísticos per un día, como parte de l'actividá 'Paseos per Vetusta', onde los estudiantes tienen que dir esplicando a los sos compañeros los llugares más destacaos que salen na novela 'La Regenta'. Asina, con cada allugamientu, conocen la Vetusta de 1885 y l'Uviéu de 2019.

Los estudiantes tienen que facer de guíes turísticos a los sos compañeros. En cada parada, analicen un monumentu presente na novela, y compárenlu col so usu actual. Unu d'ellos, ye la catedral.

Un proyectu que surde de l'asignatura de Llingua castellana y Lliteratura. Una forma distinta, entretenida y didáctica de conocer el pasáu y presente de la capital del Principáu, de mano de la novela más conocida de Clarín.