Animar al turista européu a conocer Asturies

Un grupu de periodistes y axentes de viaxes de los Países Baxos y Austria percuerren Asturies pa promocionala

Percorrer los montes somedanos y belmontinos, visitar una braña vaqueira o surfiar en L’Arena, son les actividaes que tán faciendo un grupu de periodistes y axentes de turismu, vinientes de los Países Baxos y Austria.

L’anfitrión ye Francisco Javier González, un periodista con raigaños nel conceyu Miranda, que dempués de 20 años escribiendo sobre otros destinos quixo amosar les posibilidaes qu’ufierta esta zona.

Lo que más sorprendió a estos visitantes ye lo verde que ye Asturies, pero tamién la gastronomía o la cultura. Agora la idea ye afitar tolo que vieron nes sos publicaciones y animar al turista européu a que conoza esta zona.