Les patronales del tresporte n'Asturies pidieron esti vienres unidá d'acción al sector pa que secunde la fuelga convocada del 20 al 22 d'avientu por “dignidá y dineru” porque, según aseguró, ta en xuegu'l so futuru y llegóse yá “a la llende”.
La Confederación Española de Tresporte de Mercancíes (CETM) convocó'l paru nun sector qu'axunta n'España a los tresportistes de 108.007 empreses, de los que 68.624 tienen vehículos pesaos y 34.150 llixeros, mientres que n'Asturies hai 3.006 tresportistes, de los que 2.243 tienen vehículos pesaos y 763 vehículos llixeros con una flota de 7.500 vehículos.
Los presidentes d'Asetra y Cesintra, Ovidio de la Roza y Alejandro García Monjardín, respectivamente, calculen que'l fechu de que la fuelga fuera convocada yá va un mes y mediu amortigua los efectos d'un posible desabastecimientu yá que dende fai 15 díes el sector ta trabayando “a tope” porque les grandes distribuidores y los sectores del metal y construcción, ente otros, tán adelantándose col so suministru.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL