Asincar ta mui cerca d'acabar cola listeria en productos como l'embutíu

El centru tecnolóxicu agroalimentariu d'Asturies lleva 15 años d'investigación pa desaniciala

Nel Principáu, el centru tecnolóxicu d'Asincar ta mui cerca de llograr acabar cola listeria en dellos productos, como l'embutíu, gracies a otra bacteria beneficiosa que la desanicia. Yá tienen una cepa aisllada.

El centru tecnolóxicu agroalimentariu d'Asturies lleva 15 años investigando pa desaniciar la listeria de los nuesos alimentos y tán mui cerca de llogralo. Tienen aisllada una cepa beneficiosa qu'inxerta, por casu, nel embutíu podría desaniciar la listeria.

Tamién s'investiguen en nuevos sistemes de llimpieza y desinfección de superficies pa desaniciar la bacteria y nuevos procesaos, como altes presiones que puen desaniciala.

Nesti centru d'Asincar analícense cada añu unes 3.500 amueses del sector agroalimentariu.

La mayoría son negatives porque, aseguren, funcionen los sistemes de control tanto del manexu como de la llimpieza de los alimentos nes mesmes empreses y nos casos que se detecten el porcentaxe de listeria ta dientro de les llendes que dexa la llexislación.

El casu d'Andalucía, como'l del 99 % de los casos creen que pue debese a un fallu de llimpieza.