Les muertes tripliquen a los nacimientos n'Asturies

El Principáu rexistró en 2021 la mayor tasa de mortalidá y la menor de natalidá

Asturies, que l’añu pasáu rexistró 4.785 nacimientos frente a 13.367 muertes, anotóse en 2021 la tasa más alta de mortalidá y la más baxa de natalidá ente les comunidaes autónomes, según los indicadores demográficos asoleyaos esti miércoles pol Institutu Nacional d’Estadística (INE).

La tasa bruta de mortalidá foi nel Principáu de 13,25 muertes por cada mil habitantes, frente a la media nacional de 9,49.

Esta tasa menguó en cuasi un puntu al respective de 2020, exerciciu marcáu polo peor de la pandemia, cuando foi de 14,33.

Al respective de la tasa bruta de natalidá, n’Asturies foi l’añu pasáu de 4,74 nacimientos por cada mil habitantes, frente al promediu nacional de 7,12.

La tasa de nacimientos caltúvose prácticamente invariable al respective de 2020, cuando foi de 4,70.