Asturies acueye per primer vegada pruebes pa llograr nacionalidá española

Busquen evaluar la conocencia sobro la realidá social y la cultura españoles

Asturies va acoyer per primer vegada la celebración de la prueba de conocencies constitucionales y socioculturales d'España que, xunto col esame de llingua castellana, ye necesaria pa llograr la nacionalidá española.

L'Institutu Cervantes ye l'encargáu d'ellaborar y entamar la prueba, que van poder facer un máximu de 50 persones a finales de cada mes (sacantes xunetu, agostu y avientu) na Facultá de Formación de Profesoráu y Educación.

La primer prueba en territoriu asturianu, la última comunidá que da esta posibilidá, va facese a les 18:00 del 25 d'abril y, al igual que nel restu d'España, va tener 25 entrugues estremes en cinco xeres que busquen evaluar la conocencia sobro la realidá social y la cultura españoles, y sobro la Constitución.

El conseyeru d'Educación y Cultura, Genaro Alonso, afirmó que la prueba va favorecer que residentes estranxeros puean llograr la nacionalidá ensin tener que movese a otres comunidaes.