Asturies al Tren sigue reclamando una reforma horaria pa solucionar el mal funcionamientu de Feve

El colectivu caltién una ronda de xuntes colos alcaldes pa que presionen a l'Alministración

Asturies al Tren sigue reclamando una reforma horaria, como solución al mal funcionamientu de la rede ferroviaria de vía estrecha, la Feve. Na so ronda de xuntes colos alcaldes, esta tarde axuntáronse col de Siero. Busquen que los conceyos faigan presión al restu d'alministraciones, yá que lu consideren un problema políticu y non técnicu.

Siero ta cruciáu por tres llinies de Feve: Uviéu-L'Infiestu, Xixón-Llaviana y Xixón-Uviéu. Esta postrera, con un puntu mui transitáu.

El colectivu Asturies al Tren, qu'axunta afectaos por un serviciu enllenu de cancelaciones y retrasos, ta negociando con distintos alcaldes. Les competencies ferroviaries nun son municipales, pero quieren que faigan presión política dende equí.

Ellos unviaron una nueva propuesta horaria al viceconseyeru d'Infraestructures y Movilidá.

L'alcalde tamién va pidir una xunta con él.

Asturies al Tren tien la próxima cita nel Conceyu de Llangréu.