Asturies tará presente na 5ª edición de la Vuelta Ciclista a España qu'entama'l Movimientu Ultreya

La iniciativa naz pa sofitar toa triba de proyectos solidarios, culturales y deportivos centraos na España rural

Al traviés de la so Vuelta ciclista Solidaria qu’esti añu algamará la so 5ª edición el Movimientu Ultreya algamó sofitar yá más de 35 iniciatives, toes elles na España rural. La so recuperación ye lo que promueven dende esti proyectu cultural, solidariu y deportivu que se mueve en bicicleta señala Nacho Fernández, coordinador del Movimientu Ultreya

Una actividá ciclista na qu’esti añu participará per primer vegada Asturies. A mou d’aperitivu esa primer etapa de la quinta vuelta solidaria Ultreya que se va disputar el 6 de xunetu ente Cuadonga y Morea (Ayer). Miembros de la organización y tamién l’embaxador del pueblu ayeranu aprovecharon güei pa facer un percorríu en bicicleta per dalgunes carreteres del oriente asturianu, visitando llugares como La Playa Cuevas.

La ilusión ye enorme por parte de quien representará a Morea na Vuelta a España viniente apunta Agusto Suárez, embaxador de Morea na 5ª vuelta solidaria Ultreya.

Los participantes nesa 5ª vuelta solidaria afrontarán cinco etapes pa cubrir 1.400 kilómetros de percorríu ente Asturies y Andalucía dando padalaes de solidaridá.