Asturies va tener una primavera con temperatures y lluvies dientro de lo normal

Cuasi toles lluvies del iviernu fueron na segunda quincena de xineru

Asturies rexistró una iviernu templáu, pluviométricamente normal y mui soleyeru que va dar pasu, a partir de les 22:58 d'esti miércoles, a una primavera con temperatures y lluvies con valores normales pa esta dómina del añu, según les predicciones de l'Axencia Estatal de Meteoroloxía (Aemet).

El delegáu territorial de l’Aemet n'Asturies, Ángel Gómez Peláez, destacó en rueda prensa que'l calter contrapuestu del mes d'avientu, mui templáu y mui secu, resalta sobre’l de xineru, mui fríu y mui húmedu, mientres que nel mes de febreru, en cuasi la so totalidá, pudo esfrutase d'un tiempu apacible pola situación d'anticiclón de bloquéu qu’hebo nel Principáu.

Sorrayó que "cuasi" toles lluvies que se rexistraron pel iviernu fueron na segunda quincena de xineru y los dos primeros díes de febreru, sobre manera los díes 23 y 24 de xineru.

N'España, la primavera va ser calurosa y menos lluviosa de lo normal en toa España, dempués del segundu iviernu más secu del sieglu XXI y el quintu dende 1965.