Asturies va compensar con 1,8 millones a Lleón

La electrificación va dexar que'l complexu asturianu gane n'eficiencia enerxética y en competitividá

El Gobiernu d'Asturies dio esti vienres lluz verde a un conveniu cola Diputación de Lleón pa que la estación iverniza de Fontes d'Iviernu quede conectada'l próximu añu al tendíu que suministra a la de San Isidro, en cuenta de una compensación de 1,8 millones d'euros.

Esti alcuerdu anuncióse 17 años dempués de que Fontes d'Iviernu abriera les sos pistes y tres numberoses negociaciones y prealcuerdos pa la electrificación de la estación que nun llegaron a dir alantre.

En concreto, el Principáu comprométese agora a compensar hasta l'añu 2033 con más de 181.000 euros añales a la Diputación de Lleón pa iguar el desembolsu que fixo al facer la construcción del tendíu eléctricu que suministra enerxía a la Estación Iverniza de San Isidro, que supunxo la inversión de 12 millones d'euros.