Asturies ye la quinta comunidá con meyor desarrollu del so sistema de servicios sociales

La calificación baxa d'una nota de 6,25 a los 5,74 puntos del últimu informe

Asturies ocupa'l quintu puestu na calificación de les comunidaes autónomes nel desarrollu del so sistema de servicios sociales pese a que la so calificación menguó'l pasáu añu de 6,25 a 5,74 puntos, según l'informe espublizáu esti xueves pola Asociación de Directoras y Gerentes en Servicios Sociales.

L'análisis apunta que, a pesar de la perda de relevancia económica per tercer añu consecutivu, Asturies sigue tando perriba de la media estatal en tolos sos indicadores económicos en servicios sociales.

En términos absolutos, en 2022 el gastu por habitante medró un 4,1% respecto al añu anterior, hasta 564,1 euros, frente a la media de 512.