Autorizaos 6,5 millones pa 70 contratos predoctorales de cuatro años

Van sumase a los cerca de 200 investigadores qu'anguaño esfruten d'una ayuda Severo Ochoa

El Gobiernu d'Asturies autorizó esti vienres un gastu de 6,5 millones pa formalizar 70 contratos predoctorales del programa Severo Ochoa con una duración de cuatro años, unos fondos que completen el plan d'ayudes al desenvolvimientu de la carrera investigadora d'anguaño que prevé medrar nunes 300 les persones dedicaes a la I+D+i nel Principáu.

La convocatoria, que se va asoleyar bien llueu, tien como novedá que se va abrir a persones matriculaes n'estudios de máster que quieran entamar la carrera investigadora y s'apunten nun doctoráu.

Estos datos diolos en rueda de prensa la conseyera de Derechos Sociales y Bienestar y voceru del Executivu, Melania Álvarez, tres la xunta del Conseyu de Gobiernu, presidíu güei pol vicepresidente y conseyeru d'Alministración Autonómica, Juan Cofiño.