El presidente del Principáu, Adrián Barbón, llamó esti miércoles a los grupos parllamentarios al diálogu pa que s’amiesten a la Estratexa Industrial d’Asturies 2030, que foi sofitada pola patronal FADE, UXT y la Universidá d’Uviéu.
En rempuesta a entrugues d’IX y Podemos nel plenu de la Xunta Xeneral, Barbón dixo qu’esta estratexa, a la que tamién espera que s’amieste CCOO a pesar del refugu inicial, ye "un documentu vivu, abiertu y evolutivu qu’aspira a amestar cada vegada más actores".
Amás, insistió na importancia que tendrá esti añu la negociación presupuestaria pa impulsar la tresformación del sector, como l’aprovechamientu de los fondos europeos.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL