Bonificación estra pa los asturianos que merquen un vehículu 100% eléctricu

Les subvenciones puen algamar hasta los 7.000 euros

Bonificaciones estra pa los asturianos que merquen un vehículu 100% eléctricu nun concesionariu del Principáu. Ye una de les novedaes del Plan Moves III d'ayudes de movilidá sostenible que'l Gobiernu rexonal va llanzar la próxima selmana. Dotáu con cuasi 8.000.000 d'euros.

Mercar un turismu por parte d'un particular pue algamar subvenciones de 7.000 euros con achatarramientu d'un coche antiguu.

El Principáu va activar tamién el pagu de les subvenciones pendientes del anterior Plan Moves II, una convocatoria que sigue abierta dende setiembre del añu pasáu.

El Principáu prevé que va asoleyar la próxima selmana'l resolvimientu cola concesión d'un primer bloque d'ayudes, amás va unviar a los solicitantes un avisu pa que puean revisar si son beneficiarios.

Los concesionarios asturianos reciben la noticia con aliviu y calculen ventes acoyíes a esti plan que ronden los 200 vehículos.

Los planes Moves quieren activar que se merquen vehículos eléctricos dafechu, que malapenes suponen un 2% de les ventes.