Cadasa activa una campaña d'educación ambiental en 303 colexos asturianos

La campaña 'Los cuentos del agua' ta dirixida a 7.870 escolares

El Consorciu d’Agua d’Asturies (Cadasa) punxo en marcha una campaña d’educación ambiental col títulu 'Los cuentos del agua', dirixida a 7.870 escolares de 303 centros educativos del Principáu pa conmemorar el Día Mundial del Agua.

Al actu de presentación celebráu esti llunes na sede de Cadasa asistieron la viceconseyera de Mediu Ambiente del Principáu, Nieves Roqueñí, y el xerente de la empresa, Julio Antonio Pérez.

Cadasa unvió a los colexos una caxa d’actividaes con material educativo como dos cuentos onde se resalta la importancia d’esti recursu, un videu y una versión dirixida al alumnáu con necesidaes especiales.