Cadavéu, Pueblu Exemplar

El galardón lleva acomuñada la visita n'ochobre de los reis

Cadavéu, en Valdés, ye'l Pueblu Ejamplar d'Asturies 2022. Consiguiólo amás el segundu añu que presentaba la candidatura a esti premiu que concede la Fundación Princesa d'Asturies.

Ye un premiu que valora los esfuerzos d'unos vecinos que caltienen una tradición cuasi centenaria como ye la fiesta nel cantu los cantiles.

El pueblu de Cadavéu, en Valdés, foi galardonáu esti vienres col Premiu al Pueblu Exemplar d'Asturies 2022, al qu'optaben un total de ventinueve candidatures, según alcordó'l xuráu aconceyáu nel Hotel de la Reconquista d'Uviéu.

El galardón, que reconoció l'añu pasáu a Santa María del Puertu, en Somiedu, lleva acomuñada la visita n'ochobre de los reis d'España un día dempués de la ceremonia d'entrega de los Premios Princesa d'Asturies nel Teatru Campoamor d'Uviéu.

El premiu ta destináu al pueblu, aldega, nuedu de población, espaciu paisaxísticu o grupu humanu que destacara de manera cimera na defensa y caltenimientu de la so redolada natural, ambiental, del so patrimoniu históricu, cultural o artísticu, n'iniciatives d'impulsu económicu y social o na realización d'obres comunales o otres manifestaciones de solidaridá sobresalientes.