Candamu vuelve ser la capital de la fresa

Jorge Sánchez, productor de Ventosa, lleva la Fresa d'Oru

El ganador de la nueva edición del Festival de la fresa de Candamu foi Jorge Sánchez, que traxo les meyores y asina llevó la Fresa d'Oru. Curiosamente la pasada edición el premiu llevólu so madre.

Les lluvies de los últimos díes amenorgaron la collecha de la fresa. Nesto coinciden dellos de los catorce productores que participen na 44 edición del Festival de la fresa de Candamu. Dícennos que tien bon sabor pol calor d'abril, pero que l'agua de los últimos díes estropióla. Polo qu'a dalgunos costó-yos axuntar el quilo qu'hai que traer pa esponer. Cuéntenlo dellos productores como Teresa López, productora d'Aces; Alberto Ibias, productor de Cueru y Amalio Sánchez, productor de Ventosa.

Daqué que ratifiquen los miembros del xuráu que dictaminen cuála ye la meyor fresa. Dícennos qu'hai poco, pero sabroso. Asina lo asegura Guillermo García, técnicu del Serida.

Sicasí, la collecha d'esti frutu coloráu llega hasta bien entrada la seronda, polo que confíen en que les lluvies dean tregua y poder recoyer muncha fresa.