Cangas del Narcea, primer destín ensin gluten d'España

Conmemórase'l Día del Celíacu

Esti fin de selmana, conmemórase’l Día del Celíacu. En Cangas del Narcea, el primer destín ensin gluten d’España, nun pudieron celebrar les sos tradicionales xornaes. Sicasí, invitaron a dos espertos pa esplicar qué ye la contaminación cruzada, cómo perxudica a los celíacos y les claves pa evitala.

La contaminación cruzada produzse nel momentu de cocinar, cuando les partícules d’un productu con gluten treslládense a un alimentu ensin gluten. Ye ún de los principales problemes a los que tienen qu’enfrentase los celíacos o los que tienen dalgún tipu d’intolerancia.

Pa evitar esa contaminación cruzada hai unes bolses y unes llámines reutilizables, caltenibles y económiques, feches con teflón y fibra de vidriu, porque ye nos desplazamientos nos que los celíacos son más vulnerables frente a la contaminación cruzada.

Esti fin de selmana, conmemórase’l Día Nacional del Celíacu, d’ehí qu’en Cangas insistieren en cómo evitar la contaminación cruzada.