Cangas del Narcea acoyerá’l XVII Simposiu Nacional de Museos del Vinu d’España

La temática tratará al rodiu de la viticultura heroica

Cangas del Narcea acoyerá per segunda vegada, na primavera de 2019, el XVII Simposiu Nacional de Museos del Vinu d’España. La última vegada que se celebró nel suroccidente asturianu foi nel añu 2010.

Entovía tán por confirmar los ponentes anque yá se sabe que la temática tratará al rodiu de la viticultura heroica, la viticultura estrema propia de la zona que, xunto con otres denomaciones como la Ribeira Sacra en Galicia, apurren el 5% de la producción de vinu n’España.

Les más de les comunicaciones y ponencies van desendolcase en tres díes, con un día pa la formación propia de los dirixentes de los museos de vinu españoles y otro día pal ociu. Según fontes de la organización, posiblemente seya la Reserva Integral de Muniel.los el llugar escoyíu.

L’actu de presentación celébrase güei nel Muséu del Vinu d’Asturies, asitiáu nel barriu de San Tisu (Cangas del Narcea).