Canteli da anuncia del entamu de la batalla llegal del Ayuntamientu pa que la Escuela de Mines nun vaya pa Mieres

L'alcalde destaca'l "sofitu" qu'ufierta l'Asociación d'Antiguos Alumnos de Mines, que "tamién van na mesma llinia"

Al respective del treslláu de la Facultá de Mines d’Uviéu a Mieres, Alfredo Canteli dixo que’l consistoriu llevará alantre’l percorríu que siempres dixo que caltendría en defensa de la continuidá del equipamientu docente na capital asturiana dempués de la decisión de la Universidá d’Uviéu.

"Llega’l momentu de que xurídicamente intentemos defender que la escuela siga n’Uviéu. Ye la mio obligación y intentaremos defendela hasta onde podamos", señaló.

Nesti sen, afirmó que l’Ayuntamientu d’Uviéu encargó al despachu d’abogaos Ontier la defensa xurídica pa evitar el treslláu de Mines al "considerar que yera meyor asina" recurriendo a la contratación esterna.