L’ex-presidente de Foro Francisco Álvarez-Cascos robló esti llunes la so baxa de la formación que contribuyó a crear va 10 años, y cola que llegó a gobernar n’Asturies, al sentise "traicionáu" pola actual dirección del partíu.
Álvarez-Cascos, al que Foro abriere un procedimientu d’espulsión y que lu llevó a los tribunales por apropiación indebida de fondos del partíu, volvió güei a la Mesa de los Mareantes de L.luarca pa roblar, de forma solemne, la so salida del partíu nel mesmu llugar onde s’inscribió va una década.
A xuiciu de so, los actuales dirixentes del partíu qu’impulsó dempués de la so salida del PP, procedieron a un esbarrumbe "éticu, ideolóxicu, estratéxicu, tácticu y organizativu" de Foro pa convertilu "nun club de votu censitariu" de cara al Congresu de refundación que celebrará’l sábadu qu’entra.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL