Cofas reinvéntase cola pandemia pa entainar les entregues a les farmacies

Les farmacies asturianes nun tán vendiendo test d'anticuerpos

La venta de test d'anticuerpos nes farmacies asturianes ta parada dafechu porque los mélicos d'Atención Primaria nun ven conveniente recetalos. Asina lo afirma'l presidente de Cofas nuna entrevista a TPA. Na pandemia, la cooperativa farmacéutica asturiana entainó la preparación y entrega de pidíos gracies a les meyores loxístiques qu'implementó a finales de 2019.

Les farmacies asturianes nun tán vendiendo test d'anticuerpos. Segun Cofas, dende avientu solo vendieron unes 700 unidaes.

A finales del 2019, Cofas inxertó nueves midíes de robotización y loxística coles que llogró amenorgar el tiempu mediu de preparación d'un pidíu a 30 minutos. Por casu, unes pantayes na salida de rutes qu'amuesen l'estáu del pidíu de cada farmacia en tiempu real pa entainar la distribución.

Tamién cunten con un sistema d'identificación de prioridaes y tablets pa los conductores.

Cada día, salen d'esti almacén 100.000 unidaes de melecines y productos sanitarios que se reparten per Asturies, Cantabria y parte de Lleón y Galicia.

El tiempu mediu pa llegar a una farmacia ye de tres hores. Nos momentos más críticos de la primer fola, Cofas siguió llegando a diario a toles farmacies en tiempos razonables. Too a pesar del picu de demanda y la dificultá p'atopar proveedores de calidá.

La venta de antigripales baxó un 70%, pela cueta, doblóse la venta de vacunes pal gripe hasta les 400.000 unidaes.