Empiecen les obres de remodelación de la estación Valgrande-Payares

L'actuación cimera ye la instalación de la telecabina El Cuitu Nigru

La Estación Iverniza y de Monte de Valgrande-Payares empecipió esti xueves los trabayos de modernización del equipamientu, que van suponer una inversión de 9,7 millones d'euros coles mires de desestacionalizar el so usu y ser "motor económicu y de desenvolvimientu".

 

La conseyera de Cultura, Política Llingüística y Turismu, Berta Piñán, visitó les instalaciones que van cuntar con un nuevu remonte principal y onde se van actualizar los esistentes, amás de ponese en marcha midíes pa meyorar la eficiencia enerxética.

 

Piñán espresó'l so "contentu y allegría" pol entamu d'unes obres que van ser "llargues y complexes" técnicamente cola idea de convertir Valgrande-Payares nuna estación "prácticamente nueva" y que puea sirvir non solo "pa tres o cuatro meses, sinón pa tol añu" como motor económicu y de turismu deportivu.

Comparte

Publicidad