Mediu añu en guerra

Miles d'ucraínos viven na distancia la celebración del día de la so independencia

Mariia Tyshchenko tien 24 años. Salió d’Ucraína pocos díes dempués de la invasión. Llegó a Asturies onde tenía unos amigos y dende equí vive con dolor lo que pasa na so tierra. Pa ella la celebración de güei, la independencia del so país de la URSS, convirtióse nuna celebración diaria, porque caldía ye una batalla ganada a Rusia.

Tamién la de güei ye una xornada especial pa los 84 neños y neñes vinientes d’un orfanatu d’Ucraína que llegaron a Asturies en marzu. Con una celebración relixosa, xuegos y cánticos celebraron esti día. Anque les sos cuidadores aseguren que n’Asturies tán tratándolos mui bien, suañen caldía con volver a la so tierra. Pa ellos ye la primer vegada que celebren esti día lloñe de la so tierra.

En Madrid, na embaxada d’Ucraína, hubo un xubida de bandera pa conmemorar estos 31 años d’independencia d’Ucraína de la Xunión Soviética.

L’embaxador ucraín señaló que nun ta contentu col apurrimientu d’España al unviu d’armes a Ucraína, pero matizó que sigue en conversaciones col Gobiernu pa medrar la cantidá de material bélico qu’España apurrirá a Ucraína.