Cortes de pelo solidarios na Ilesia de La Felguera

Los hosteleros zarraos agradecen el xestu

Tres 17 díes zarraos na Ilesia de San Pedro, los seis hosteleros recibieron güei la visita de Maxi Baragaño, un barberu de La Felguera que quixo amosa-yos el so sofitu y acompañalos na so llucha. Y facer lo que meyor sabe, iguar el pelo y la barba.

Un xestu qu'agradecen y que los ayuda a encarar con ánimu los díes que-yos queden ente les cuatro parés d'esta ilesia.

Aseguren que'l ciñu de los sos vecinos y iniciatives como la de Maxi faen más llevaderu'l so encierru, del que nun van salir ensin una solución pa los profesionales del sector hosteleru de la cuenca del Nalón.