Covadonga Tomé va ser la candidata de Podemos Asturies nes autonómiques

La pediatra llogró 1.565 votos, 415 más que la otra candidata, Alba González

La pediatra Covadonga Tomé va encabezar la candidatura de Podemos n'Asturies nes próximes elecciones autonómiques tres ganar nel procesu de primaries por 1.565 votos frente a 1.150 a l'actual secretaria d'organización del partíu, Alba González.

Tomé forma parte del sector críticu de Podemos n'Asturies entamáu alredor de la figura del anterior secretariu xeneral, Daniel Ripa, y engarriáu cola dirección qu'encabeza la diputada nacional Sofía Castañón tres otru procesu de primaries. Naquel la llexitimidá foi cuestionada pola corriente que llogró'l trunfu nel procesu convocáu pa nomar a la cabeza de llista en mayu de 2023.

Según los resultaos asoleyaos pola formación morada, nes primaries pa nomar a la persona que va liderar la candidatura nes autonómiques participaron 2.817 inscritos y rexistráronse 102 votos en blanco y nengunu nulu.