Cuarta oportunidá pa matriculase na Universidá d'Uviéu

Más de la metá de les titulaciones tán cubiertes

Un total de 16.501 estudiantes matriculáronse en dalgún de los graos de la Universidá d'Uviéu. Son seis estudiantes más que'l pasáu añu.

Esti llunes empieza una cuarta fase col espublizamientu d'una cuarta llista coles titulaciones de les qu'hai places. Más de la metá de los graos, 31, yá completaron el periodu de matriculación, bien porque nun hai llista d'espera o quedaron cubiertes toles places, como ye'l casu de Matemátiques o Inxeniería de Datos.

Otres titulaciones, con llista d'espera abondosa y variaciones nos alumnos inscritos, van tener places llibres a partir d'esti llunes.