Cuatro deteníos n'Avilés por traficar con droga

Na operación participaron una ventena d'axentes

La Policía Nacional detuvo esti miércoles n'Avilés a cuatro persones por traficar con droga al menudéu, nuna operación na que participaron una ventena d'axentes.

Les detenciones fueron a primer hora de la tarde nun pisu allugáu na cai Álvarez Gendín, nel barriu La Madalena, informaron fontes de la Policía Nacional.

La Policía punxera en marcha un dispositivu de vixilancia en teniendo conocencia de que na vivienda podríen facese xeres delictives rellacionaes col tráficu de droga.

Nel operativu participaron la unidá canina, la policía xudicial y la unidá de prevención y reacción.