Cultura estudia midíes pa evitar la presencia y afectación de gas radón nes cueves rupestres asturianes

La cueva d'El Pindal cerró ayeri de forma preventiva pola presencia de gas radón

La cueva d'El Pindal en Ribedeva ye la única de les seis con arte rupestre del Principáu que dio niveles de radón más altos de lo previsto y polo tanto la única que va suspender hasta agora les visites. Sicasí, la Conseyería de Cultura sigue sollerte a los informes que ta faciendo l'Institutu Nacional de Silicosis y tamién plantega midíes preventives pa evitar que los niveles de gas aumenten nun futuru señala Pablo León, director Xeneral de Patrimoniu Cultural.

Quieren aselar tamién y recordar que'l radón ye peligroso pa la salú tres esposiciones mui allargaes nel tiempu y a niveles bien elevaos.

El radón ye un gas radioactivo d'orixe natural que naz del suelu y tiende a concentrase n'espacios zarraos como mines soterrañes, cueves, viviendes y llugares de trabayu, ente otros.