Decenes de persones manifestáronse en Xixón en sofitu a la fuelga del SAD

Más d'un mes de fuelga pa esixir meyores al conveniu d'un sector qu'axunta a 3.500 emplegaes n'Asturies

Decenes de persones manifestáronse esti sábadu en Xixón en sofitu a les trabayadores del Serviciu d'Ayuda a Casa (SAD), centros de día y allegaos, en fuelga dende'l pasáu 16 d'agostu pa esixir meyores al conveniu d'un sector qu'axunta a 3.500 emplegaes n'Asturies.

La manifestación, convocada pola Plataforma d'Auxiliares d'Ayuda a Casa y el Colectivu de Trabayadores, llevóse alantre ensin incidentes ente la sede de la Fundación Municipal de Servicios Sociales y la Plaza del Marqués.

Al rematar el percorríu, que nun pudo llegar a la Plaza Mayor porque taba ocupada por un mercadín, lleóse un comunicáu nel que se denunció la "escesiva ambición de les empreses que l'últimu añu facturaron 1.750 millones d'euros".

​