Suárez diz que baxar la ratio a 15 alumnos ye "imposible dafechu"

Educación recuerda que medrará’l personal docente con 400 nueves incorporaciones

La conseyera d’Educación, Carmen Suárez, solliñó esti miércoles que rebaxar la ratio a 15 estudiantes por docente en cuasi tolos niveles, como reclamen les organizaciones sindicales, ye "imposible dafechu por razones económiques".

Suárez reivindicó la voluntá de diálogu del so departamentu, pero dixo que nun sedrá posible satisfacer la propuesta de les organizaciones sindicales d’incorporar a miles de profesionales y baxar la ratio a 15 estudiantes por docente en prácticamente tolos niveles.

"Ye imposible dafechu por razones económiques, sobre manera nun momentu nel que la crisis del coronavirus obliga a derivar al sistema sanitariu los máximos recursos posibles", esplicó.