El 76,3% del estudiantáu aprueba la EBAU n'Asturies na convocatoria de xunetu

Cuatro estudiantes algamaron la máxima puntuación, un 10

El 76,34% del estudiantado que se presentó a la convocatoria de xunetu de la Prueba d’Evaluación de Bachilleratu pal Accesu a la Universidáu (EBAU) de la Universidá d’Uviéu superó con éxitu los exámenes.

Según detalló esti miércoles la institución académica, aprobó’l 74,75% de les muyeres y el 77,89% de los homes, mientres que la nota media foi de 5,545 y la más, de 9,798.

A les pruebes feches ente’l 8 y el 10 de xunetu taben llamaos 1.199 alumnos y alumnes, 84 más que l’añu pasáu, y de los que 669 yeren muyeres y 530, homes.

Na prueba ordinaria de xunu, el 94,97% de los 4.386 estudiantes que ficieron la fase d’accesu de la EBAU superaron los exámenes, frente al 95,85% del añu pasáu, mientres que la nota media asitióse en 7,418 sobre 10, una décima per baxo de la rexistrada l’añu pasáu (7,504).

Cuatro estudiantes algamaron la máxima puntuación, un 10, mientres que 633 algamaron una nota media igual o superior a 9.