El Conceyu de Xixón va acondicionar parte del campus en cuenta d'una parcela de la Universidá

L'espaciu cedíu va sirvir p'ampliar el Parque Científicu y Tecnolóxicu

La Universidá d'Uviéu dexará una parcela al Conceyu de Xixón y, a cambéu, el consistoriu reurbanizará parte del campus y va cubrir les pistes deportives. Asina vien recoyíu nel protocolu de collaboración robláu esta mañana pola alcaldesa Ana González y el rector Ignacio Villaverde.

La parcela que dexará la universidá, allugada na Pecuaria y con una superficie de más de 18.000 metros cuadraos, va sirvir p'ampliar el Parque Científicu y Tecnolóxicu.

El Conceyu, pela so parte, comprométese a acondicionar la cai Blasco de Garay del campus xixonés, con un costu valoráu en 200.000 euros.