El Casinu de Xixón reabre les sos puertes dempués de cinco meses zarráu pola pandemia

La mazcarina ye obligatoria y l’aforu lléndase al 66% de la so capacidá

El Casinu de Xixón reabre les sos puertes dempués de cinco meses zarráu pola pandemia.

Una vegada dientro, la mazcarina ye obligatoria y l’aforu lléndase al 66% de la so capacidá. Les meses de cartes y de ruleta ven amenorgáu’l númberu de participantes.

Toles baraxes y fiches que s’usen, aseguren, tán previamente desinfectaes y pónense dempués del so usu de caldía en cuarentena.

Cerca de 20.000 euros invirtió’l Grupu Carbajosa n’adaptar la instalación a les nueves esixencies sanitaries, qu’incluyen la instalación de mampares na sala de máquines.

Namás abrir, el Casinu pasaba una primer inspección de la Brigada del Xuegu, qu’afitó que cumple coles midíes anticovid.

L’oxetivu agora ye inxertar un sistema de "bluetooth", pa poder rastrexar los movimientos de los veceros dientro de la instalación, como midida preventiva.