El Club de Pesca 'La Socala' alerta del mal estáu del Esva

En peligru'l futuru salmoneru del ríu

El Club de Pesca 'La Socala' alerta del mal estáu del Esva. La falta de llimpieza y d’atención ponen en peligru’l futuru salmoneru del ríu, en regresión nos últimos años. Soliciten una actuación darréu.

El Pozu Gabarrón, del cotu Piedrablanca, el cotu estrella del Esva, nel cursu baxu del ríu ye’l puntu más críticu. Les obres de reparación d’una pilastra de la ponte del tren obligaron a camudar el so cursu.

Les últimes riaes arrastraron el pasu que s’afitaben sobre unos tubos pel que pasen los salmones pa siguir el so camín.

Como crítica, califiquen la situación más arriba, na escala salmonera de Casielles, énte la so falta de caltenimientu y del calce onde s’amontonen troncos grandes; y que se xune al material arrastrao de la escollera del pueblu, más p’arriba, que rellenó los pozos.

Poro, demanden una actuación urxente, enantes de que la presencia de salmones nel Esva, con una sola captura en 2020, quede nun simple recuerdu.