El Colexu Nazaret d'Uviéu estrena una nueva aula multisensorial

Una redolada relaxada pa que los neños recuerden meyor lo que ven, toquen, güelan, sientan y escuchen

El Colexu Nazaret d'Uviéu estrena una nueva aula multisensorial. Un proyectu educativu empobináu a alumnos dende ñácaros de guardería hasta primeru de Primaria, y neños mayores con necesidaes especiales. Equí, en siete requexos, esperimenten colos cinco sentíos.

Entama cola temática del mar, pero va dir camudando a lo llargo del cursu. L'aula ye una redolada relaxada pa que los neños recuerden meyor lo que ven, toquen, güelan, sientan y escuchen.

L'oxetivu ye que pierdan el mieu a esperimentar y conozan meyor la so redolada al traviés de los sentíos, al empar que desenvuelven meyor les sos habilidaes.