El Colexu d'Abogaos d'Uviéu presenta una plataforma d'impagaos xudiciales

Esta ferramienta va facilitar el trabayu a los abogaos asturianos

El Colexu d'Abogaos d'Uviéu presentó esti miércoles una ferramienta que va facilitar el trabayu a los abogaos asturianos. Ye un rexistru d'impagaos xudiciales, onde se van recoyer los datos d'aquelles persones o entidaes que nun abonaren les deldes reconocíes en resolvimientos xudiciales.

Al traviés d'esta nueva plataforma, los profesionales van conocer los datos de persones, entidaes públiques -como un conceyu-, o privaes -como una empresa-, que fueren condergaes por un xuez a pagar una sanción.

Nesti portal, recuéyense los datos, y a cada casu asígnase-y un tramitador, que se va encargar d'unviar les notificaciones y reclamaciones al deldor.

La plataforma funciona dende setiembre y los sos resonsables tán satisfechos col índiz de recobru: yá xestionaron cinco millones d'euros de deldes.